--Ads--
Nakailista ti Department of Health (DOH) iti 414 a road accidents kagiddan ti holiday exodus iti pagilian.
Maibasar iti datos dagitoy manipud Disyembre 21 agingga Disyembre 29,2025, nairekord ti nasao a bilang no sadino 305 ti pakairamanan dagiti motorsiklo.
Malaksid iti dayta, uppat ti pimmusay gapu iti motorcycle accidents.
Naduktalan met a 343 a karaman iti daytoy ti saan a nagaramat iti safety accessories kas iti helmet ken seatbelt.
Naammuan pay a 58 a kaso ti addaan iti impluwensiya ti arak bayat ti panagmaneho dagitoy iti luganda.
Gapu iti dayta, nagpalagip manen dagitoy kadagiti motorista a kanayon nga agaramat iti helmet iti kanito nga agbyahe dagitoy kasta metten a liklikan ti panaginum iti arak no agmaneho.
