Sumangsango ita iti kaso a graft ni Bureau of Customs (BOC)chief Ariel Nepomuceno ken ni Bureau of Plant Industry (BPI) Director Gerald Glenn Panganiban kadwa dagiti daduma pay nga opisyales dagiti dua nga ahensya.
Daytoy ket kasaruno ti panangipila dagiti grupo ti mannalon iti nasao a kaso iti Office of the Ombudsman.
Ti kaso ket adda ti pakainaiganna iti 60-day suspension iti panagangkat iti regular milled ken well-milled rice.
Maibasar iti reklamo,nakalanad a dagiti nasao nga opisyales ket naglabsing iti probisyon iti Anti-Graft and Corrupt Practices Act, nakaaramid iti grave misconduct, gross neglect of duty, ken conduct prejudicial to the best interest of the service.
Sigun iti reklamo,iti baet nga adda ti nairuar a pagalagadan seknan iti naipawil nga importasyon, napalubusan latta ti iseserrek dagiti rice shipments nga agarop 340,000 a tonelada nu sadino,90% iti daytoy ket regular ken well-milled rice grades a saksaklawen ti importation ban.
Gapu iti dayta,kidkiddawen dagiti nagreklamo ti dagus a panakaipaay iti preventive suspension order kontra kadagiti nasao nga opisyales tapno malapdan metlaeng ti panagaramatda kadagiti posisyon dagitoy nga impluwensyaan ti imbestigasyon.
