Impila ti Office of the Ombudsman iti Sandiganbayan ti siam a kaso ti graft kontra kenni Tarlac Rep. Noel Rivera gapu iti maatap a conflict of interest ken flood control projects scandal.
Sigun kenni Ombudsman Jesus Crispin Remulla, kontraktor ni Rivera iti construction firm nga addaan kontrata iti gobierno.
Iti sidong ti Section 3(h) ti Republic Act No. 3019 wenno Anti-Graft and Corrupt Practices Act ti pagilian, maiparit dagiti public officials a maaddaan iti direct wenno indirect a financial wenno pecuniary interest iti anya man a negosyo, kontra wenno transaksyon iti gobierno tapno maliklikan ti conflict of interest.
Ti pannakaipila ti kaso kontra kenni Rivera ti maikapito a batch ti flood control cases nga impila ti Ombudsman sipud idi nagtugaw ni Remulla kas Ombudsman idi Oktubre 2025.
