Imbilin ti Office of the Ombudsman ti innem a bulan a preventive suspension iti lima nga Engineers ti DPWH Bulacan First District Engineering Office seknan iti maim-imbestigaran a P188 million a flood control projects sadiay Baliuag, Bulacan.
Karaman kadagiti nasuspinder ni Irene Ontingco, Kevin Geronimo, John Michael Ramos, Bernardo Villafuerte ken Michelle Cruz a sumangsango iti kaso a grave misconduct, serous dishonesty ken gross neglect of duty.
Sigun iti Ombudsman, maatap a pineke dagiti nadakamat a personalidad dagiti dokumento iti implementasyon, inspeksyon, pannakaawat, ken pannakabayad dagiti proyekto, tapno agparang a natungpal dagiti legal a kasapulan.
Inlawlawag ti Ombudsman a kasapulan ti inspeksyon tapno saan a maapektaran ti imbestigasyon ken maliklikan ti posible a pannakapukaw wenno panagbaliw dagiti napapateg nga ebidensiya.//
