Inkari ni DPWH Secretary Giovanni “Banoy” Lopez a maituloy ti reporma a nirugyan ken inkomit ni sigud a DPWH Secretary Vince Dizon.
Sigun kenni Sec. Lopez, awan ti masukatan iti commitment a matutukan dagiti amin nga infrastructure projects iti DPWH.
Impettengna nga awan ti rason tapnu maitantan dagiti amin a proyekto.
“Kung ano man po ang commitment ni Sec. Vince sa anumang mga proyekto na nabinbin ay kailangan ipagpatuloy kasi ang commitment na yun ay hindi lamang sa pangulo, hindi lamang commitment kay Sec. Vince but higit sa lahat commitment po yun para sa taumbayan” sigun kenni Lopez
Kabayatanna, kinuna ti opisial nga imbilin ni President Ferdinand Marcos Jr. a maluktan amin a major road repairs sakbay ti All soul’s day ken All saint’s day tapnu aramaten ti publiko, maysa dituyen ti kalsada sadiay Barangay Taloy Sur, Tuba Benguet.
Iti sabali a bangir, nagkari metlaeng daytoy a bisitaenna ti kalsada sadiay Beckel–Lamut Junction iti paset ti Benguet–Nueva Vizcaya Road sadiay La Trinidad, Benguet.
Maipalagip a permanente a nakserra ti nasao a kalsada kalpasan a nadadael gapu iti panagdalapus ti bagyo ken habagat.
Impeksa ni Lopez a nasken metlaeng nga iparikna kadagiti opisyales ti DPWH a ti central office ti ahensiya ket nakatutuk kadagiti nagduduma a proyekto a nasken a malpas a dagus tapnu aramaten ti publiko.//Bombo Noveh Organo
