--Ads--
Nagleppasen ti naisayangkat a search and rescue operations idi kalman iti Binaliw Landfill idiay Cebu City kalpasan a nasarakan ti bangkay ti maudi a nairekord a mapukpukaw kasaruno ti panagcollapse ti nasao a landfill idi January 8.
Sigun kenni Cebu City Councilor Dave Tumulak iti disaster response committee, nasarakan ti bangkay agsapa idi kalman nu sadino ket nairamanen iti opisyal a bilang a 36 a pimmusay iti nasao nga insidente.
Kinumpirmarda met nga amin a nailista a mapukpukaw ket nasarakanen, bayat nga 14 paylaeng ti agpatpataming iti ospital.
Uppat metten kadagiti nadangran ti nakaawiden kadagiti babbalayda.//kcs
