Running total dagiti residente iti suidad ti Baguio a nagparehistro iti COMELEC Baguio, dumanon iti agarup 4,000

BAGUIO CITY – Dumanon iti agarup 4,000 ti running total dagiti residente iti suidad ti Baguio a nagparehistro iti Commision on Election Baguio (COMELEC BAGUIO), manipud ti Oktoberw 20, 2025 agingga Enero 2026.

Iti pannakiuman ti Bombo Radyo kenni Atty. Jhon Paul Martin, Election Officer ti Comelec Baguio, kinunana a manamnama a manayunan paylaeng daytoy.

Innayunna a tuloy-tuloy ti onsite registration a maisayangkat kadagiti sumarsaruno a bulan.

Daytoy ket kalpasan a nagkiddaw dagiti sumagmamano a pagadalan siudad iti schedule para iti onsite registration.//mp4