Pinalubosan ti International Criminal Court (ICC) ti sumagmamano a biktima a makipaset iti pre-trial proceedings kontra kenni sigud a president Rodrigo Duterte inton sumaruno a bulan.
Sigun iti ICC Pre-Trial Chamber, 29 nga indibidwal ti pinalubosan da a makipaset kalpasan iti panangberipikarda a pudpudno a biktima dagitoy.
Innayunda a saanda nga innawat ti application dagiti 304 pay a nagpresenta a biktima gapu ta naamwanda nga adayu ti kaso dagitoy iti scope ti kaso ti sigud a presidente.
Nupay kasta, mabalin manen dagitoy a mangipila ti application dagitoy apaman a makompirmar dagiti kaso a maipataw iti keni sigud a presidente Rodrigo Duterte.
Tapno saanen a kasapulan a makipartisipar amin dagitoy, dinutokan ti nasao a korte dagiti Pilipino nga abogado a da Atty. Joel Butuyan and Atty. Gilbert Andres, pareho nga ICC listed counsels, pakairamanan ti miyembro ti ICC’s Office of Public Counsel for Victims (OPCV) tapno mangitakder ken mangirepresenta kadagiti amin a biktima.
Mangrugi meten ti pre-trial proceedings ni sigud a president Rodrigo Duterte inton Pebrero 23 ita a tawen.
Apaman a makompirmar iti nasao a proceedings dagiti kaso a maipila kontra kenkuana, mangrugi meten ti trial daytoy.
Maipalagip a na-detain ti sigud a presidente idiay The Hague manipud Marso idi napalabas a tawen ken posible a sumango iti crimes against humanity gapu iti anti-drug campaign kabayatan iti administrasyon daytoy. // Bombo Karen Calpoe Sapirao
