Pormalen a naipaay kenni Philippine National Police (PNP) chief Jose Melencio Nartatez Jr. ti four-star rank wenno ti kangatuan a ranggo iti kapulisan.
Kinumpirmar daytoy ni Palace Press Officer Undersecretary Claire Castro ita nga aldaw.
Kinunana a pormal a nagsapata ti nasao nga opisyal kas hepe iti Philippine National Police ken indauloan daytoy ni President Ferdinand “Bongbong” Marcos Jr. itay laeng agsapa.
Pinagyamanan met ni Police Chief Nartatez, Jr. iti arrival ceremony daytoy idiay Camp Crame ti Philippine National Police gapu iti panang-welcome da kenkuana kas hepe iti nasao nga ahensiya.
Maipalagip a sakbay a naipaay ti four-star rank keni PNP Chief Nartatez, Jr., ni sigud a PNP chief Nicolas Torre III ti nakaipaayanna ti nasao a ranggo. // Bombo Karen Calpoe Sapirao
