“Generally peaceful” ti nagbalin nga assessment dagiti otoridad iti pannakalukat iti Grand Opening Parade ti Panagbenga Festival idi kalman ti agsapa a nangrugi iti alas otso ti agsapa.
Sigun kenni Engineer Charles Carame, dadaulo ti City Disaster Risk Reduction Management Office, “minimal cases” laeng ti monitor dagitoy nu sadinno adda iti agarup tallo a naipaayan iti medical assistance.
Impeksa pay ni Carame nga ad-adda nga “organized” ita ti nasao nga aktibidad nu idilig idi napalabas a tawen.
Innayonna pay a dakkel ti nagdur-asan ti nasao nga aktibidad, ken pinadayawanna pay ti organizer ti nasao nga aktibidad–ti Baguio Flower Festival Foundation Incorporated.
Kinunana pay a ngimmato ti bilang dagiti puersa ti kapulisan iti agdama.
Kabayatanna, maibasar iti patta-patta ti Baguio City Police Office, dumanon iti 17, 500 dagiti expercators wenno nagbuya iti opening parade iti Panagbenga Festival idi kalman.
Sigun kenni BCPO City Director Pcol. Ruel Tagel, nababa pay daytoy ngem ti namnamaenda a 150-160,000 nga indibidual nga agbuya iti dua nga enggrande a parada iti Panagbenga Festival. | via Bombo Noveh Organo
