Impakammo ti National Bureau of Investigation (NBI) a nakaawat daytoy ti baro nga impormasyon seknan iti posible a paglemlemengan ni Atong Ang.
Sigun kenni NBI-National Capital Region Chief Atty.Joel Tovera, adda dagiti na-validate da nga impormasion manipud kadagiti nagduduma a lugar pakairamananen idiay Visayas.
Ikonkonsiderada pay ti naawatda a maysa a text message a mangibagbaga a posible nga adda iti sabali a pagilian ni Ang sipud pay laeng idi Disyembre idi napalabas a tawen.
Kabayatanna, impakaamo ti nasao nga ahensiya a nakasagana dagitoy para iti international coordination ken verification apaman a maamuwanda a pudno nga adda ni Atong Ang iti sabali a pagilian.
Immuna meten nga inbutaktak ti whistleblower a ni Julie Patidongan alyas Totoy ken ti Department of the Interior and Local Government (DILG) a posible nga adda ni Atong Ang idiay Cambodia wenno Thailand. // Bombo Karen Calpoe Sapirao
