--Ads--
Imbasuran ti Department of Justice (DOJ) ti cyberlibel complaint nga immunan nga impila ni Senator Risa Hontiveros kontra iti maysa nga abogado ken lima nga social media personalities gapu iti maatap a panang-akusarda kenkuana iti panangimpluwesiyana ti maysa a lalaki nga agtestigo kontra kenni sigud a presidente Rodrigo Duterte.
Impakaammo ti prosecutors nga saan nga umdas dagiti ebidensiya tapno makasoan dagiti respondents a da Atty. Ferdinand Topacio, Bryon Cristobal wenno Banat By, Jeffrey “Ka Eric” Celiz, Krizette “Kiffy” Chu, Jose “Jay” Sonza, ken Alex Destor wenno Tio Moreno.
Sigun pay iti Korte Suprema, awan ti lugar ti panagbalin a “sensitive” iti linya ti serbisyo publiko. // Bombo Karen Calpoe Sapirao
