Inlaksid ti Sandiganbayan ti kiddaw ni sigud a Sen. Ramon “Bong” Revilla Jr. a maibalud iti Philippine National Police (PNP) Custodial Center sadiay Camp Crame, Quezon City
Maibasar iti resolusyon ti Sandiganbayan anti-graft court Third Division, nakalanad nga agtalinaed ni Revilla iti Quezon City Jail Male Dormitory sadiay Payatas gapu iti sangsangwen daytoy a kaso a malversation through falsification of public documents manaig iti ghost flood control projects sadiay Pandi, Bulacan.
Immunan a nadakamat ni Revilla ti posible a pangta iti seguridad daytoy, gapu iti maatap a gang-related violence iti uneg ti pagbaludan.
Nupay kasta, maibasar iti resolusyon ken prosekusyon, dagiti maatap a pangta iti seguridad ken posible a pannakadangran iti nasao a pagbaluna ni Revilla ket base laeng kadagiti espekulasyon ken sayangguseng.
