Impetteng ti Armed Forces of the Philippines (AFP) ti posisyon dagitoy nga awan ti uray maysa a pulgada iti teritoryo ti Pilipinas ti maisuko kalpasan iti dinakamat ni Sen. Rodante Marcoleta a kasla mangisingsingasing nga isuko nalaengnen ti Kalayaan Island Group (KIG) gapu iti tensyon iti pagilian a China.
Sigun kenni Armed Forces of the Philippines (AFP) spokesperson for the West Philippines Sea Rear Admiral Roy Vincent Trinidad, mandato ti Sandatahang Lakas ng Pilipinas a protektaran ti soberanya, teritryo, ken integridad ti pagilian.
Karaman kadagiti teritoryo a tutokan ti Air Force of the Philippines ket ti Kalayaan Island Group ken Bajo de Masinloc.
Maipalagip a dinakamat ni Sen. Marcoleta idi napalabas a lawas iti Committee on Appointments nga isuko ti Kalayaan Island Group (KIG) no sadino inlawlawagna a na”taken out of context” ti dinakamat daytoy. // Bombo Karen Calpoe Sapirao
