Binabalaw ni Philippine Coast Guard (PCG) spokesperson para sa West Philippine Sea Commodore Jay Tarriela dagiti inibatan ni Senate Minority Leader Alan Peter Cayetano nga sarita panggep kenkuana.
Sigun kenni spokesperson Tariela, panangbastos ken panangdadael dagitoy iti kinataona.
Innayonna nga awan ti rason wenno innaramidna nga saan a nasayaat tapno dadaelen ken tagibasiten daytoy ti senador.
Dinakamatna met laeng ti innibatan ni Senator Cayetano nga ikattenan ti uniporme daytoy. Sigun kenni Tarriela, nakasagana daytoy a sumango ken maki-debate iti patas a pamay-an.
Amin dagitoy ket kalpasan ti nabara a diskusyon iti Senado maipanggep iti pannangaramat ni Tarriela iti caricature ni Chinese President Xi Jinping iti maysa nga public speaking event. // Bombo Karen Calpoe Sapirao
