Idagdagadag ti Commission on Population and Development (CPD) kadagiti parentes a pagsaritaanda kadagiti annakda ti maipapan iti sexuality.
Kasaruno daytoy iti panagngato ti bilang dagiti agsiksikog nga agtawen iti 10 agingga 14.
Sigun iti nasao a komission, dumanon iti 3, 516 ti bilang dagiti nagsikog iti nasao nga age group.
Nangatngato daytoy no idilig iti 3,343 a kaso a nailista idi 2023.
Sigun kenni Mylin Mirasol Quiray, chief ti Commission on Population and Development Information Management and Communications Division, mapakaalarma ti nasao a datos agsipudta saan a “physically prepared” dagiti nasao nga age bracket nga agsikog.
Impetteng ni Quiray a posible a resulta daytoy ti panagaramat iti social media a pagtataudan dagiti impormasyon a pakairamanan ti sexuality.
Posible met daytoy a mangipluensiya iti pannakaawat dagiti agtutubo iti maipapan iti relasyon ken reproductive health.
