Agtultuloy a ti probinsya ti Benguet ken Kalinga ti pakasarsarakan dagiti otoridad iti marijuana plantation iti rehion cordillera.
Sigun kenni PAT Ysrael Rard Jay Butale, ti Demand Reduction and Education Office – Drug Enforcement Group, nangipatungpal dagitoy iti uppat a marijuana eradication iti bulan ti Enero agingga Pebrero 14, 2026.
Nupay kasta, awan ti natiliwan a marijuana planter wenno grower.
Iti baet dayta, impanamnama ni PAT Butale nga agtultuloy ti isaysayangkat dagitoy nga imbistigasion tapno mabigbig ken maarestar dagiti cultivators.
Inlawlawag daytoy a titled ti lote a nakaimulaan dagiti marijuana ngem saan nga umdas a pammaneknek daytoy.
Impeksa ti opisial a saan a natural a timmudo dagiti iligal a mula agsipudta, adda dagiti pakailasinan a naimula daytoy.
Kabayatanna, kadawyan nga iti tuktok ti bantay ti nakaimulaan ti Marijuana sadiay Kibungan.
Naobserbaran met dagiti otoridad nga iti igid ti bantay dagiti nakaimulaan ti Marijuana sadiay Kalinga no sadino, nailemmeng iti siruk dagiti natatayag a kayo.
Adayo metlaeng daytoy kadagiti residential areas.
Kabayatanna, agtultuloy ti kampanya dagitoy iti marijuana eradication nangruna sadiay Kibungan.
Agtultuloy met suporta nga ipapaay dagiti local government Units (LGU) bayat a manarimaan ti koordinasyonda tapno mabigbig dagiti responsable.
Kidkiddawen ti opisial iti umili ti pannakitinnulong ken kooperasyon para iti pannakabirok dagiti marijuana plantation ken pannakaarestar dagiti cultivators.//via Bombo Noveh Organo
