BAGUIO CITY- Nangrugin ti panagayunar dagiti Muslim iti suidad ti Baguio para iti Ramadan.
Iti interview ti Bombo Radyo kenni Baguio-Benguet Muslim Association President Shams Maba Monib, kinunana nga agsagsaganada para iti panagserbida kenni Allah.
Nagriing dagitoy iti alas tres wenno alas kuatro ti parbangon para iti panagrugi ti pangserbida kenni Allah.
Nangrugi daytoy idi Huebes, February 19, 2025.
Sigun kenni Monib, obligasion dagiti lallaki ti agturong iti Mosque tuggal Ramadan.
Naipaayan met dagiti babbae a muslim iti konsiderasyon nga agserbi kenni Allah iti pagtaengan dagitoy.
Nupay kasta, impetteng ni Monib a napimpimtas no agturongda latta kadagiti Mosque.
Inlawlawag ni Monib a karaman kadagiti panagayonarda ti fasting, panangliklik iti saan a nasayaat nga aramid ken ti saan a panangisawang iti saan a nasayaat a panagsasao iti social media man wenno saan.
Kabayatanna, dumanon iti agarup 10 ti Mosque iti siudad ti Baguio.
Pakairamanan daytoy dagiti Mosque nga impatakder mismo dagitoy ken saan a karaman dagiti maab-abagan.//mp4
