--Ads--
ITOGON, BENGUET- Naduktalan ti Itogon Fire Station ti rason iti napasamak nga uram idi February 18 sadiay Loacan, Itogon Benguet.
Sigun kenni Fire Officer (FO) III Saturnino Ariston, nasamak ti structural fire sadiay Sitio Gold River, Loacan.
Rumrumuar iti imbestigasion dagiti otoridad a nabaybay-an ti malut-luto a taraon a nagrisulta iti pannakauram ti pagtaengan.
Iti nasao nga insidene, pimmusay ti agtawen iti 88 a babae nga addaan iti dementia.
Maatap nga agmamaysa daytoy idi napasamak ti insidente.
Sigun kadagiti otoridad, posible a nalipatan ti biktima nga adda ti lutlutwenna.
Gapu iti dayta, naturog agingga a nagwaras ti uram.
Mapattapatta a dumanon iti P150,000 ti danyos dagiti nadadael gapu iti nasao nga uram.
