Opisialen a nangrugi ti Cordillera Administrative Region Athletic Association (CARAA) Meet 2026 iti probinsia ti Benguet.
Pinasetan dagiti agarup 7,000 a delegado manipud iti nagduduma a probinsia ken siudad iti rehion Cordillera ti parada a nangrugi iti Benguet State University agingga Benguet Sports Complex sadiay Wangal, La Trinidad Benguet.
Pinasangbay da Benguet Governor Melchor Diclas ken Congressman Eric Go Yap dagiti delegado bayat ti panaglukat ti programa iti Benguet Sports Complex.
Nagserbi kas guest of honor and speaker ni DepEd Undersecretary Fatima Panontongan.
Kabayatanna, sinindian ni Gov. Melchor Diclas ken Regional Director Estela Leon-Cariño ti torch bayat nga insayangkat dagiti Benguet athletes ti torch relay.
Pakairamanan daytoy da Gerwin Lete, Jayhan Bester, Rafael Dongsalan ken Faye Marceline Tabdi.
Indauluan ni Palarong Pambansa 2025 Wrestling Gold Medalist Charles Johnson Calawen ti oath of sportsmanship bayat nga indauluan met ni DepEd Regional Sports Coordinator Edgar Madlaing ti pledge of officiating officials.
Pormal a naideklara ti CARAA regional sports meet 2026 babaen kenni DepEd-CAR Regional Director Estela Leon-Cariño.
Ti tema ti CARAA 2026 ket “Sustaining a United and Healthier Cordillera Through Sports.”//mp4
