Kinumpirmar ni President Ferdinand “Bongbong” Marcos, Jr. a pimmusay ti maysa a Filipina caregiver idiay Israel gapu iti tensyon a mapaspasamak idiay Middle East.
Nabigbig ti umuna a Filipino casualty a ni Mary Anne Velasquez Rivera , maysa a caregiver idiay Israel, ken tubo ti Pangasinan.
“Ikinalulungkot ko na meron po tayong natanggap na report na meron na pong casualty na Pilipino dito po sa gera na nangyayari po sa Middle East,” kinuna ni Marcos Jr. iti maysa a recorder video, rabii idi kalman.
“Siya po ay isang caregiver sa Israel na tinutulungan ang kanyang alaga para dalhin sa bomb shelter ngunit hindi na po naka-abot sa bomb shelter at inabutan na sila bago sila nakarating,” sigun iti presidente.
Kinumpirmar ni President Ferdinand Marcos a pimmusay daytoy kalpasan a natamaan iti shrapnel dagiti bimmagsak a bomba sakbay a makadanonda idiay bomb shelter.
“Siya ay namatay dahil tinamaan ng shrapnel ng mga bumagsak na bomba,” innayon na.
Nabigbig ti bangkay ni Rivera babaen iti asawa daytoy a maysa metlaeng nga overseas Filipino worker idiay Israel sigun kenni President Ferdinand Marcos, Jr.
Impanamnama met ti presidente ti panagmonitorda iti sitwasyon ken kasasaad dagiti overseas Filipinos sadiay Middle East.
“Asahan po ninyo na kapag mayroong tayong mai-rereport ay irereport ko po sa inyo kaagad,” dinakamat ni President Ferdinand Marcos, Jr.
Kabayatanna, nakipagrikna ti embahada ti Isreal iti Pilipinas iti pamilya ti pimmusay a Pilipina.
Binigbig ti nasao nga embahada ti sipupuso a panangtulong ti pimmusay a caregiver gapu iti panangaywanna iti banbantayan daytoy iti baet ti ngumatngato a tensyon idiay Middle East. //Bombo Karen Calpoe Sapirao
