Dismayado ken maatap a nakaunget ni President Ferdinand “Bongbong” Marcos Jr. idi naammuanna ti maatap a panangabuso ti maysa nga empleyado ti Migrant Workers Office (MWO) kadagiti overseas Filipino workers (OFWs) a nagkiddaw iti tulong sadiay Bahrain.
Daytoy ket kagiddan ti tension a mapaspasamak sadiay Middle East.
Sigun kenni Palace Press Officer a ni Undersecretary Claire Castro, dagus a binilin ni President Marcos Jr. ni Secretary Hans Leo Cacdac, nga imbestigaranda ti insidente ken aramidenda ti kaskenan nga aksyon.
Mainaig iti dayta, pinalagipan ni Castro dagiti empleyado ti gobierno a saanda nga abusuen ti otoridad dagitoy ken saanda a baybay-an dagiti agkasapulan a Pilipino.
Kinuna pay ni Castro a rumbeng nga agikkat dagiti opisyal ken staff a saanda a kayat nga agserbi kadagiti padada a Pilipino.
Kabayatanna, inikkaten ti DMW ti nadakamat nga staff member a nakita iti viral video a makisupsupiat kadagiti OFWs sadiay Bahrain.
