Nangiruwar ti umuna a mensahe ti baro a Supreme Leader ti Iran a ni Ayatollah Mojtaba Khamenei.
Iti audio message a naipablaak, inyebkasna a kayatna nga agtalinaed a nakaserra ti Strait of Hormus kas paset iti pressure dagitoy.
Kiniddaw metlaeng daytoy a maikat amin a military base ti Estados Unidos kadagiti amin a pagilian idiay Middle East.
Sigun kenni Mojtaba, dagiti saan nga ummanugot iti daytoy ket agbalin a sumaruno a target ti panangatake da.
Impetteng ti nasao a lider a kasapulan nga agbayad ti kumpensasyon dagiti kalaban dagitoy.
Inkari pay ni Mojtaba a bumales dagitoy kadagiti panangatake ti dadduma a pagilian iti Iran.
Maipalagip met a saan paylaeng a nagpakpakita ti nasao a lider kadagiti tattaona manipud iti nadutokan daytoy kas baro a Supreme Leader ti pagilian. //Bombo Karen Sapirao
