Guygoyugoyen manen iti Department of Health – Cordillera (DOH-CAR) dagiti umili nga agpa-check-up para iti tuberculosis (TB) ken gundawayan ti libre a panangpaagas iti gobierno tapno maliklikan ti panagwaras iti sakit.
Sigun kenni Geeny Austria, focal person iti TB prevention program iti DOH-Cordillera, saan koma a rumbeng nga ipapan dagiti tao a ti umuna a positibo iti TB iti pagtaengan wenno opisina ket nagtaud kenkuana iti sakit.
Inlawlawagna a mabalin a maamuan ti TB babaen iti chest X-ray ken sputum test.
Sigun kenni Austria, babaen iti TB testing program a maiturturong kadagiti komunidad usar iti mobile X-ray clinic, nakailista dagitoy iti agarup 21,000 a mapapati a kaso iti TB manipod iti 218,000 nga indibidual a nasukimat idi tawen 2025.
Iti baet daytoy, nasurok 4,800 ti nagpositibo ken naipasidongen iti panangpaagas.
Nadlaw metlaeng ni Austria a kaaduan kadagiti nagpositibo a pasiente ket nasurok 55 ti tawenda ken addaan iti nakapsot nga immune system.
Para iti tawen 2026, puntiria iti DOH-Cordillera a masukimat ti 180,000 nga indibidual para iti TB.
Maibasar iti listaan, adda ti 92.3% a recovery rate kadagiti pasiente a simmurot a nasayaat kadagiti panag-agasda.
Iti agdama, adda ti 108 a TB treatment clinics iti rehion Cordillera.
Karaman iti sintomas iti TB ket ti nabayag a panaguyek, trangkaso iti saan a maamuan a rason, panagbaba iti timbang ken panagleng-et iti rabiit.
