Naarestar ti Street level individual (SLI) a lalaki iti naipatungpal a buy-bust operation sadiay purok 27, Upper Irisan Baguio city idi March 12, 2026.
Nabigbig ti suspek nga agtawen iti 26, residente iti Quezon hill ken tubo sadiay Tadian, Mt. Province.
Nakumpiskar manipud iti suspek ti tallo a pidaso ti heat sealed transparent plastic sachet a naglaun iti agarup 6.5 a gramo ti maatap a shabu nga addaan iti Standard Drug Price a P44,200.00.
Malaksid iti dayta, nakumpiskar metlaeng iti suspek dagiti sumagmamano a non-drug items kas iti sling bag, wallet, pouch, maysa a pidaso ti genuine 500 peso bill, 12 a pidaso ti 500 peso bill, cellphone, dua a pidaso ti 100 genuine peso bill, maysa a pidaso ti genuine 50 peso bill ken refrigerator magnetic accessory.
Balligi ti operasyon babaen iti nagtipon a pwersa ti Regional Provincial Drug Enforcement Units (PDEU) iti sidong ti Police Regional Office – Cordillera Administrative Region (PROCOR), Regional Intelligence Division (RID) ti Police Regional Office Cordillera (PRO-CAR), Baguio City Police Office Station 9, City Drug Enforcement Unit (CDEU), Criminal Investigation Unit (CIU), PNP Drug Enforcement Group (PDEG)- Special Operations Unit, Cordillera Administrative Region(PDEG-SOUCAR) ken Regional Intelligence Unit-14 (RIU 14).//via Bombo Noveh Organo
