Impetteng ni United States President Donald Trump a napatpateg a mapasardeng ti nuclear weapon development ti Iran ngem ti pakaseknan iti presyo dagiti produkto a petrolyo.
Sigun kenni Trump, daytoy ti kadaklan nga oil producer iti sangalubungan rason a nu ngumato ti presyo ti produko a petrolyo ket makapataudda iti ad-adu a pamastrekan.
Gapu iti dayta, patienna a napatpateg a mapasardeng ti inladawanna nga “Evil Empire” iti panagaramid iti nuclear weapons a mabalin a mangdadael iti Middle East ken iti sangalubungan.
Impablaak ni Trump ti mensahe daytoy kagiddan ti panagngato ti presyo ti produkto a petrolyo iti katengngaan ti tension idiay Middle East nu sadino,dakkel ti pakainaigan ti iturturayanna a pagilian.
Maipalagip a ti Estados Unidos ti kadaklan nga oil producer iti sangalubungan kasta metten dagiti daduma pay a pagilian idiay Middle East kas iti Saudi Arabia, Kuwait, Iraq ken ti Iran.
Gapu iti agtultuloy a tension iti nasao a rehion ken ti panangkontrol ti Iran iti Strait of Hormuz,maap-apektaran dagiti pagilian a mangnamnama kadagiti maibiahe a lana tapno maadaan iti umdas a suplay iti nasao a hard commodity.
