--Ads--
Panggep ni Governor Melchor Diclas a maipaayan iti dialysis center ti tunggal munisipyo ti probinsia ti Benguet.
Daytoy ket kagiddan ti pannakailukat ken panakaipasdek ti dialysis center sadiay Atok itay kanikuada.
Sigun kenni Governor Diclas, panggepna nga insaruno a maipaayan iti dialysis center ti Batan, Buguias.
Innayonna a manamnama a maipaayan dagitoy iti agarup 10 agingga 15 a machine gapu iti kinaadu dagiti tattao sadiay.
Mainaig iti dayta, pangep ti nasao nga opisyal nga un-unaenda nga ipaayan iti dialysis center dagiti adayo a lugar iti probinsia ti Benguet.
Kabayatanna, agyamyaman ni Mayor Franklin Smith iti suporta ken tulong ti provincial office iti naipaay kadakuada a dialysis center.//Bombo Noveh Organo
