Pormal nga impakaammo ti DOST- Philippine Atmospheric, Geophysical, and Astronomical Services Administration (PAGASA) ti panangikatda iti domestic tropical cyclone names a CRISING, EMONG, MIRASOL, NANDO, OPONG, TINO, ken UWAN manipud iti 2025 season.
Sigun iti PAGASA, maikat dagiti nagan nu nagresulta dagiti nasao a bagyo ti ipupusat ti agarup 300 nga indibidwal wenno nangitunda iti pannakadadael ti agrikultura ken dadduma nga assets nga aggatad iti agarup Php 1 Billion base iti official reports ti Office of Civil Defense (OCD).
Gapu iti kadakkel iti dadael nga intunda dagiti bagyo, pimmasa ti pito kadagiti naglabas a tropical cyclones idi napalabas a tawen iti criteria para iti decommissioning.
Sigun iti Office of Civil Defense (OCD), dagiti nadakamat a tropical cyclones ket nangitunda iti pababuklan a bilang ti 373 fatalities, 680 injuries, pannakapukaw ti 132 nga indibidwal , ken pababuklan a pannakadadael dagiti assets nga agatad iti agarup P36 billion.
Kas kasukat, impakaammo ti PAGASA nga aramatendan iti nagan a CHICO, ELIAS, MAGYAWAN, NILAD, OMAR, TALA, ken URBANO mangrugi inton 2029. //bombokcs
