BAGUIO CITY- Inwaragawag ti Philippine Atmospheric, Geophysical and Astronomical Services Administration (PAGASA) a posible a mapasaran ti El Niño intun Hunio agingga Agusto iti agdama a tawen.
Iti pannakiuman ti Bombo Radyo kenni Engineer Larry Esperanza, mangidadaulo iti Philippine Atmospheric, Geophysical and Astronomical Services Administration-Baguio, kinunana a nangiparuar dagitoy iti El Niño Alert idi Abril 22.
Nupay kasta, inlawlawagna a saan a dagus a marikna ti epekto daytoy.
Sigun kenni Engr. Esperanza, ti El Niño ket resulta ti nangato a temperatura, tikag ken kinaawan ti tudo.
Maibasar iti panagadal ti PAGASA, 73% ti posbilidad a mapasaran ti El Niño iti pagilian.
Kabayatanna, posible a sumrek ti maysa a bagyo ita a bulan bayat a maysa agingga dua intun Mayo.//mp4
