Nagpallagip ti PAGASA- Baguio iti publiko iti panangsalimetmet iti danum gapu iti posible nga epekto iti El Niño.
Iti pannakiuman ti Bombo Radyo kenni Mar Santos manipud PAGASA-Baguio, imbinglayna nga iti sidung ti El Niño, mapasaran ti above average a temperatura.
Nupay kasta, nu napigsanto ti Hanging Amihan, mabalin a malapdan a mapasaran ti nakaro unay a nabara a panawen.
Mainaig iti dayta, imbinglay ni Santos a naobserbaranda a bimmasit metlaeng ti rainfall record dagitoy nu idilig iti normal record.
Iti baet dayta, kinunana a nakarekober met dagiti reservoirs ti siudad kabayatan iti diretso a panagtudtudona patikular idi Agosto.
Nagpallagip met daytoy iti publiko nga ituloyda nga agsalimetmet iti danum nangnangruna ta posible a mapasaran ti El Niño iti napapaut a panawen. //kcs//
