Pangpanggepen ita ti grupo a Pagkakaisa ng mga Samahan ng Tsuper at Opereytor Nationwide (PISTON) ti mangipila ti P5 fare hike idiay Land Transportation Franchising and Regulatory Board (LTFRB) iti ngudo ti bulan ti Marso.
Inyebkas dagiti jeepney drivers ken operators iti napasamak a nationwide transport strike idi Huwebes nga P200 agingga P300 laengen ti mabatbati kadakuada iti inaldaw a panagbyahe da.
Sigun iti nasao a grupo, imbes a ti fare hike ti suspindiren ni President Ferdinand Marcos, nasaysayaat no ti value-added tax ken excise tax kadagiti produkto a petrolyo ti ikkaten daytoy.
“He should have suspended the tax on petroleum products, and not the fare hike,” sigun kenni Piston president Mody Floranda.
Sigun kenni Mody Floranda, dadaulo ti nasao a grupo, ngimmato ti agarup P100 tunggal litro ti presyo ti diesel no sadino agarup P3000 ti magasgastos dagiti traditional jeepneys tunggal aldaw.
Immunan a kinnidaw ti nasao a grupo ti panangi-roll back ti presyo dagiti produkto a petrolyo ti P55 tunggal litro. //bombokcs
