Balligi a naispal ti maysa nga 8-anyos a lalaki kalpasan a nalmes bayat ti panaglangoyna idiay Tawang Falls sadiay Pangol, Tanudan, Kalinga idi Maundy Thursday, Abril 2.
Sigun iti Tanudan Police, mapattapatta nga 11:45 a.m a nalmes ti ubing a residente iti Purok 5, Bulanao Tabuk City.
Dagus a nirespondian daytoy dagiti otoridad no sadino, naisayangkat ti cardiopulmonary resuscitation (CPR) babaen kenni Police Staff Sergeant Denver Dumagdag ti Tanudan Municipal Police Station.
Kalpasan ti sumagmamano a minuto, balligi a na-revive ti ubing ken naiturong iti Rural Health Unit.
Karaman kadagiti nagresponde dagiti kameng ti Bureau of Fire Protection (BFP), Municipal Health Office (MHO), Municipal Disaster Risk Reduction and Management Office (MDRRMO) a naka-deploy iti nasao a lugar.
