Imbinglay ti Philippine Coast Guard (PCG) a direkta a nagsindi ti Chinese forces ti flare iti PCG aircraft kabayatan iti routine flights ti nasao nga aircraft idiay Kalayaan Island Group ita a lawas.
Sigun kenni Rear Admiral Jay Tarriela, napasamak daytoy idi nadanonda ti Panganiban Reef ken Zamora Reef no sadino mannarimaan ti panangmonitorda kadagiti maritime activities sadiay.
Kinondenarna ti nagbalin nga aksyon dagiti Chinese ken inawaganna kas “reckless” ken agresibo ti innaramid dagitoy.
Impetteng ti opisyal a nilabsing ti Beijing ti international aviation safety norms, partikular iti posible peggad nga resulta iti innaramid dagitoy.
“The Chinese forces also issued radio transmissions during the incidents, brazenly claiming “indisputable sovereignty” over these areas—referring to their own illegally reclaimed and militarized bases in the West Philippine Sea,” kinuna ni Tarriela. //bombokaren.c.s
