Nakumpiskar dagiti kapulisan ti Police Regional Office Cordillera Administrative Region (PRO-CAR) dagiti iligal a droga nga addan pakabuklan a P737,360.00.
Iti naipatumpal a marijuana eradication operations, nadiskobre ken napuoran ti agarup 3,510 a puon ti fully grown marijuana plants idiay Brgy. Tacadang, Kibungan ken Brgy. Kayapa, Bakun, Benguet.
Amin dagiti nadiskubre a marijuana plants ket dagos a naparot ken napuoran bayat nga agtultuloy met ti imbestigasyon dagiti otoridad tapno mabigbig dagiti cultivator kadagiti marijuana plants.
Ti nasao nga operasyon ket balligi a naipatumpal babaen iti nagtipon a pwersa ti Kibungan Municipal Police Station (MPS); Bakun MPS; 1st ken 2nd Benguet Provincial Mobile Force Companies (PMFCs); Provincial Community Affairs and Development Unit, Provincial Intelligence Unit (PIU), Provincial Drug Enforcement Unit (PDEU) ti Benguet Police Provincial Office (PPO); PNP Drug Enforcement Group-CAR; Regional Mobile Force Battalion 15; Regional Intelligence Division ti PRO CAR; Regional Intelligence Unit-14; ken Philippine Drug Enforcement Agency (PDEA)-CAR. //kcs
