Pinagyamanan ni Benguet Governor Melchor Diclas ni President Ferdinand Marcos, Jr. gapu iti panagipaayna iti oras nga agbisita iti probinsya ti Benguet partikular idiay La Trinidad Vegetable Trading Post ken Benguet Agri-Pinoy Trading Center (BAPTC) tapno kitaenna ti mannarimaan a sitwasyon ti vegetable industry ken mannalon iti highlands.
Kabayatan iti panagbisita ni President Ferdinand “Bongbong” Marcos iti nasao a munisipyo idi Biyernes (April 17), nakasaritana dagiti mannalon, wholesalers, retailers, ken dadduma nga stakeholders iti duwa a kadadakelan a trading areas iti probinsiya ti Benguet tapno personal a denggenna dagiti pakaseknan dagitoy gapu iti isyu ti disruption iti vegetable transport gapu iti nangato a presyo ti petrolyo.
Impakaammona metlaeng kabayatan iti panagbisitana dagiti addang ken plano tapno mapalag-an dagiti epekto ti panangngato ti presyo ti krudo para iti trasportasyon ti nateng manipud Northern Luzon.
Maysa kadagiti inwaragawag ti presidente ket ti P10 a kissay iti tunggal litro ti diesel, pannakasuspindire kadagiti sumagmamano a local government charges, ken temporaryo a suspensyon ti toll fees para kadagiti trucks a mangitulod kadagiti nateng. //bombokaren.c.s
