Kinarit ni House Committee on Justice Gerville Luistro ni Rep. Paolo Marcoleta nga iturong iti Korte Suprema dagiti damagna seknan iti legalidad iti impeachment proceedings kontra kenni Vice President Sara Duterte.
Nagramut ti nasao a banag iti panangtalantan iti SALN iti Bise Presidente, nu sadinno impaganetget ni Marcoleta a kasla “fishing expedition” ti ar-aramiden iti komite ken awan ti umdas nge ebidensia ti reklamo.
Simmungbat ni Luistro a ti panagala iti SALN babaen iti subpoena manipod iti Office of the Ombudsman ket maitunos iti Konstitusion, rules iti impeachment, ken dagiti desision iti Korte Suprema, ken panggep a siguraduen nu adda ti probable cause dagiti alegasion.
Kinuna ni Marcoleta a nasaysayaat a ti korte ti mangngeddeng, nu sadinno immanugot met ni Luistro iti panangibaga a sadiay a rumbeng nga iturong ti nasao a banag.
Nupay kasta, saanna a kinumpirma nu daytoy mismo ti mangipila iti kaso.
Maysa kadagiti alegasion kontra kenni VP Duterte ket ti mapapati a saan a mailawlawag a kinabaknangna.
