Nangipatungpalen ti urgent search and rescue operation dagiti otoridad tapno biruken ti mapukpukaw a 9-anyos a lalaki nga ubing a naiyanod iti irrigation cannal idiay Purok 6, Bulanao itay laeng malem.
Sigun iti inisyal a report dagiti responders, napasamak ti insidente alas-dos itay malem idi panggepen ti ubing a bumalasiw iti nasao a kanal kadua dagiti dadduma pay.
Nadlaw laengen dagiti kadua daytoy a mapukpukaw ti ubing kalpasan a nakaballasiw dagitoyen isu’t gapunna a nagkiddawda a dagus ti assistance manipud kadagiti otoridad.
Dagos a naideploy ti rescue team iti nasao a pasdek ket iti agdama, mannarimaan pay laeng ti rescue operation sadiay.
Kinumpirmar met dagiti otoridad a nakasara ti nasao nga irigasyon para iti nasao nga operasyon.
Sigun kadagiti responders, posible a bumayag ti rescue iti uppat agingga innem nga oras sakbay a bumaba ti lebel ti danum.
Nagbalaag met ti lokal a gobyerno iti publiko a liklikanda ti nasao a pasdek para iti seguridad dagitoy.
Iti agdama, mannarimaan pay laeng ti maipatpatungpal a rescue operation idiay. //bombokaren.cs.
