BAGUIO CITY – Nakemmeg iti maysa a 25-anyos a lalaki, unemployed, ken residente ti Fairview, Baguio City iti insayangkat a buy-bust operation ti Baguio City Police Office Station 10 idi Abril 22.
Nakumpiska manipud iti suspek ti maysa a piraso ti heat sealed transparent plastic sachet a naglaon iti 0.38 gramos a maatap a shabu nga addaan street level price nga P5,644.00.
Malaksid iti dayta, nakumpiska manipud iti suspek ti maysa a selpon ken kwarta.
Naiturong meten ti suspek iti kustodiya ti kapulisan ken sumango daytoy iti panaglabsing iti Republic Act 9165 wenno Comprehensive Dangerous Drugs Act of 2002.
Kadua ti BCPO Station 10 ti Drug Enforcement Unit; Regional Intelligence Unit-14 City Intelligence Team Baguio; City Intelligence Unit; Baguio City Police Office Station 1 ken PDEA- Cordillera. | via Bombo Noveh Organo
