--Ads--
Ngimmato iti 4.3% ti sektor iti agrikulutra iti rehion Cordillera idi tawen 2025 iti baet iti agbalbaliw a panawen ken ti nangato a gastos iti produksion, sigun iti DA-Cordillera.
Dakkel ti kontribusion daytoy iti ekonomia iti rehion, nangruna iti suplay iti nateng iti pagilian a dumanonon iti 70-80%.
Sigun iti ahensia, nakatulong iti panagdur-as ti high-value crops, aquaculture, ken suporta iti gobierno a kas iti bin-i, kagawaan ken panagsanay.
Nupay kasta, agtaltalinaed a karit kadagiti mannalon ti agbalbaliw a klima, pesta, sakit kadagiti mula ken panagngato iti presio iti abono ken krudo.
Inkari iti DA nga agtultuloy dagiti progra a mangsuporta iti nasao a sektor.
