Nangisayangkat iti “orientation” ti City Civil Registration Office-Baguio para iti nasurok uppat a pulo a nakipaset manipod iti vulnerable sector, karaman ti senior citizens, persons with disabilities, indigents, ken Muslim Filipinos iti siudad.
Naipatungpal daytoy idi laeng kalman iti City Health Services Office, iti panangidaulo ni Acting City Civil Registrar Allan Abayao, katinnulongda ti Philippine Statistics Authority–Cordillera.
Natalantan iti programa dagiti proseso iti panagparehistro iti pannakayanak, kasar ken ipupusay, kasta metten ti delayed birth registration.
Sigun iti City Civil Registration Office-Baguio, paset daytoy iti programa a “Bawat Sulok Susuyurin” tapno marisut ti rinibribu a saan pay a rehistrado a residente. Mapatta-patta a nasurok 4,000 manipod iti vulnerable sector ti saan pay a nakarehistro, bayat a 979 met ti CBMS maibasar iti datos.
Impaganetget iti nasao nga opisina ti kinapateg ti civil registration ken pannakitinnulong iti nagduduma a sektor tapno madanon ken matulungan dagiti saan pay a rehistrado.
Agkidkiddaw metten ti tulong ti City Civil Registration Office-Baguio iti City Legal Office para kadagiti kasapulan nga affidavit dagiti aplikante.
