--Ads--
ABRA – Manarimaan ti imbestigasyon ti Peñarrubia MPS iti napasamak a pammaltog sadiay Sitio, Brgy. Lusuac, Peñarrubia, Abra ita nga aldaw, April 28.
Nabigbig ti biktima a ni Mr. Bernard Bandayrel Colet, naasawaan, empleyado iti Abra Electric Cooperative, Inc. (ABRECO) ken residente ti Zone 4, Bangued, Abra.
Maibasar iti inisyal nga imbestigasyon dagiti otoridad, nakaawat ti Peñarrubia MPS iti impormasyon seknan iti bangkay ti tao a nasarakan iti nasao a lugar.
Dagus a nagresponde dagiti otoridad no sadino, nasarakanda ti daradara a bangkay ti biktima iti abay ti motorsiklo daytoy.
Sigun kenni PCAPT Jun S. Saliw-an, Chief of Police ti Peñarrubia MPS, agtultuloy ti imbestigasyonda tapno mabigbig ti suspek ket ti motibo daytoy.
