BAGUIO CITY – Impetteng ni Police Major Harriet Bulcio, Chief of Police ti Baguio City Police Station 1 a generally peaceful dagiti 13 a barangay iti masakupan dagitoy.
Iti pannakiuman ti Bombo Radyo kenkuana, kinunana a nababa ti insidente ti krimen iti masakupanda, malaksid kadagiti sumagmamano nga insidente a kabaetan a konrolen dagiti kapulisan.
Sigun kenni PMaj. Bulcio, resulta daytoy ti nasayaat a partnership ken koordinasyonda kadagiti opisiales ti Barangay, komunidad ken stakeholders.
Kabayatanna, maipatungpal ti binulan a Barangay Peace and Order Council (BPOC) meeting ita a summer tapno maliklikan ti anya man nga insidente.
Iti nasao a panagtataripnong, mapagsasaritaan dagiti crime prevention and control; maplano ken maripaso dagiti estratehiya tapno maprebentaran ti krimen; masukimat ti kinaepektibo dagiti estratehiya nga impatungpal dagitoy ken mapagsasaritaan metlaeng ti implementasyon dagiti ordinansa.//Bombo Noveh Organo
