BAGUIO CITY – Sumangsango iti kaso ti tallo a babbae kalpasan a naarestar dagitoy babaen iti bileg ti warrant of arrest.
Narestar dagitoy gapu iti kaso a panaglabsing iti Section 10 of Republic Act No. 7610, ti Special Protection of Children Against Abuse, Exploitation and Discrimination Act.
Immuna a nakemmeg ti 74 years old a babae, self employed residente ti Purok 4 in Brookspoint, Aurora Hill, Baguio City.
Simmarunu a nakemmeg ti 22 years old a babae, self employed ken residente metlaeng ti Purok 4 in Brookspoint, Aurora Hill, Baguio City bayat a naudi a naarestar ti 41 years old a babae, self employed ken residente metlaeng iti kapada a lugar.
Maibasar iti report ti kapulisan, agpapada a nakemmeg dagitoy iti maysa nga aldaw ngem nagduduma nga oras.
Dua kadagitoy ti natiliw iti siudad ti Baguio bayat a maysa ti natiliw idiay Monglo, Sablan, Benguet.
Iti kaudian a report ti kapulisan, naiturong iti estasion ti kapulisan dagitoy para iti umno a dokumentasyon sakbay a maipaimada iti maseknan a korte.//Bombo Noveh Organo
