Impakaawat ni Baguio City Benjamin Magalong iti panagdengeng ti Senado partikular iti Committee on Proactive Response and Oversight for Timely and Effective Crisis Strategy (PROTECT) dagiti rason ti pannakaideklara ti State of Calamity iti siudad ti Baguio.
Iti nasao a panangdengeg, inlawlawag ni Mayor Magalog a bimmaba ti pammastrekan dagiti adda iti tourism sector gapu iti nababa a visitor arrival iti siudad ti Baguio a resulta iti agtultuloy a panangngato ti presyo ti petrolyo kadagiti napalpalabas a lawas.
Sigun iti Mayor, nakadepende ti pammastrekan dagiti dadduma nga indibidual iti turismo ti nasao a siudad.
Innayon pay daytoy a nangitunda ti panangngato ti presyo ti petrolyo ti rigat kadagiti umili ken naapektaran unay ti transport sector ti siudad.
Inlawlawag daytoy a naideklara ti State of Calamity tapno maaramat ti siudad ti 30% manipud iti City Disaster Risk Reduction Management fund wenno ti Quick Respond Fund.
Inlawlawag daytoy a dua nga aldaw ti napalabas, nakaawat daytoy ti impormasyon partikular ti opinyon ti Department of Budget Management (DBM) nga umdas ti Executive Order 110.
Gapu iti daytoy, kinnidaw ni Mayor Magalong nga iti panawen ti national crisis, nalawag kuma ti panangilawlawag ti nagduduma a legal authorities kadagiti banbanag. //bombokaren.c.s
