Maatap a panagbungbong kadagiti dadakkel a bato ti rason ti pannakatnag ti dakkel a bato a nangdadael ti dingding ti maysa a balay idiay Saint Anthony, Purok 2, Dominican Hill, Baguio City.
Sigun iti pannakiuman ti Bombo Radyo iti maysa kadagiti concerned citizen, patiends a gapu iti panangbungbong, limmukay dagiti bato wenno nagungon dagitoy rason nga idi nagtudo ti napigsa idi kalman ken natebag daytoy.
Impeksa pay ti nasao a concerned citizen, a nangrugi ti panagbungbong dagiti adda iti ngatuen dagitoy a paset ti Barangay Bakakeng idi pay bulan ti Pebrero.
Atapenda a ti nasao nga aktibidad ket para iti residential gapu a mapatpatad daytoy ken makabkabiti.
Innayon pay daytoy a ti maudi panangbungbongda ket duwa a lawas ti napalabas sakbay ti nasao nga insidente.
Kinunana a daytoy ti kaunaan a napasamak a klase ti insidente iti las-od ti sangapulo a tawen na nga agnanaed idiay.
Iti agdama, panggep dagitoy nga agreklamo iti barangay seknan iti nasao a pasamak.
Kiddaw pay dagitoy a sapay kuma a maisardengen dagiti kapada nga aktibidad tapno saanen a maulit ti napasamak nga insidente.
Naikoordinar metten daytoy kadagiti opisyales ti nasao a barangay. //Bombo Noveh
