Imbilin ti National Police Commission (NAPOLCOM) ti pannakaikkat iti pwesto dagiti 11 a police officers a maatap nga adda ti pakainaiganda iti mapukpukaw a sabongeros idi 2021.
Sigun iti NAPOLCOM, dagiti 11 a police officers ket manipud iti Regional Drug Enforcement Unit ti National Capital Region Police Office (RDEU-NCRPO).
Naduktalan dagitoy a guilty iti two counts ti grave misconduct ken two counts ti conduct unbecoming of a police officer.
Daytoy ket pakairamanan da Police Lieutenant Colonel Ryan Jay Orapa; Police Major Mark Phillip Almedilla; Police Senior Master Sergeant Mark Anthony Manrique; Police Staff Sergeant Edmon Muñoz ; Police Staff Sergeant Robert Allan Raz Jr.; Police Staff Sergeant Denar Roda; Police Corporal Alric Natividad; Police Corporal Reynaldo Seno Jr.; Police Corporal Ronald John Lanaria; Patrolman Rufino Panghulan ken Patrolman Develyn Tapalla.
Kabayatanna, impaganetget ni PNP spokesperson Police Brigadier General Randulf Tuaño nga awan ti lugar ti panagabuso ti otoridad iti organisasyon dagitoy.
Nagramot ti administrative case kalpasan a naipila ti reklamo idi September 3, 2025 babaen kada Milagros Estacio ken Elizabeth Sotto, a nangakosar kadagiti nasao a pulis a nangkidnap kadagiti annakda a lallaki bayat ti nagsina nga operasion ti anti-drug operations idi 2021.
