Naipaayan ti siudad ti Baguio iti certificate of recognition manipod iti Department of Labor and Employment–Cordillera Administrative Region (DOLE-CAR) kas maysa kadagiti katinnulong daytoy iti DOLE Integrated Livelihood and Emergency Employment Program.
Inawat ni Leandro Tabilog, executive assistant iti City Mayor’s Office, ti certificate iti nagan ni Mayor Benjamin Magalong manipod ken da DOLE Regional Director Imelda Romanillos ken Assistant Regional Director Olivia Obrero-Samson.
Nabigbig ti siudad gapu iti naidumduma a suporta ken aktibo a pannakitinnulong iti epektibo a panangipatungpal iti DOLE Integrated Livelihood and Emergency Program, ken kadagiti napapateg a kontribusion daytoy iti panangitandudo iti pagbiagan.
Nakaawat metlaeng ti certificate ti City Social Welfare and Development Office ken Public Employment and Services Office kas pammadayaw kas maysa a katinnulong iti Government Internship Program ken Regional Coordinating Council iti DOLE.
