Imbinglay ni Cavite 4th District Rep. Francisco “Kiko” Barzaga a saan daytoy nga agdanag iti posible nga expulsion a maipataw kenkuana uray no adda ti sangsanguen daytoy nga ethics complaints.
Sigun kenni Barzaga, nakasagana daytoy a mangsango iti anyaman a mapasamak ken mamati daytoy nga adda pay dagiti oportunidad nu kasbilang maawanan daytoy ti pwesto.
Nupay kasta, mangnamnama daytoy nga awanen ti suspensyon bayata iti panangtutokna iti fuel crisis ken ipila ti gakat a mangikat iti Value Added Tax (VAT).
Immunan a nasuspindir ni Barzaga gapu iti disorderly behavior gapu kadagiti pablaak daytoy iti social media accounts na.
Imbinglay metlaeng ti nasao nga opisyal a saan daytoy a dinmar-ay iti ethics hearing gapu ta saan metlaeng a mabaliwan ti resulta.
Kinunana pay a nu maikat daytoy iti puesto, panpaneknekan laeng ti Kongreso nga adda ti korapsyon iti uneg daytoy.
Iti sabali a bangir, inyebakas ni Representative Barzaga ti saanna a panang-annamong iti impeachment kontra kenni Vice President Sara Duterte. //bombokaren.c.s
