Naibilin kadagiti kapulisan nga agbanbantay iti ruwar ti senado ti ‘Maximun Tolerance’ para kadagit protesters.
Sigun kenni Police Brigadier General Glenn Oliver Cinco, agtultuloy latta ti panagbantayda iti sango ti senado kabayatan nga adda pay laeng dagiti rayilista tapno maliklikan ti anyaman a gulo ken tapno maasistaranda ti gunday ti trapiko sadiay.
Innayonna pay a naibilinen ti ‘maximum tolerance’ kadagiti kapulisan nga agbantay.
Maipalagip nga idi metlaeng parbangong, naaddaan ti tensyon iti nagbaetan dagiti supporters ni Senator Bato Dela Rosa ken dagiti kameng ti kapulisan kabayatan iti panag-rally dagitoy iti sango ti senado.
Nupay kasta, kinumpirmar ni General Cinco nga awan ti nadangran iti tenga ti napasamak a gulo.
“Habang narito sila, narito rin kami upang tiyakin ang kanilang seguridad at mapanatili ang kaayusan” sigun kenni General Cinco.
Impanamnamana met ti presensiya ti kapulisan bayat ti protesta iti sango ti senado. //bombokaren.c.s
