Nagballaag ni VP Sara Duterte kontra iti mapapati nga isyu iti Charter change, a mabalin a mangipaay iti dalan tapno agtalinaed iti puesto ni President Ferdinand Marcos Jr. iti terminona.
Iti pannakiuman idiay The Hague, kinuna ni VP Duterte a rumbeng nga unaen iti administrasion ti panangibangon iti ekonomia ngem ti maipapan iti pulitika.
Inakusaranna metlaeng ti gobierno nga ar-aramatenna ti pannakabalin daytoy kontra iti oposisyon kagiddan iti kumarkaro a political tension.
Dinakamat ni VP Duterte a kalpasan dagiti isyu da sigud a President Rodrigo Duterte ken Senador Ronald dela Rosa, sumaruno met ti Charter change kalpasan nga inaklon ni President Marcos iti maysa nga interview iti Bloomberg a rumbeng daytoy a mapagsaritaan.
Nagballaag metlaeng a mabalin a maaddaan daytoy iti nabayag nga epekto iti politika iti pagilian ken impettengna ti immuna nga imbaga ni sigud a President Rodrigo Duterte a rumbeng nga agridam ti publiko iti nasao nga addang.
